З.Доржжанцан Монголын үндэсний музейн сан хөмрөгт уран бүтээлийн дээжээсээ дурсгав

Монголын ур­чуу­­­дын эвлэ­лийн шаг­налт зу­­раач З.Дорж­жан­­цан Мон­голын Үн­дэс­ний музейн сан хөмрөгт уран бү­тээ­лийнхээ дээ­жээс дурсгалаа. З.Доржжанцан нь улсад 60 жил, дүрслэх урлагийн салбарт 57 жил уран бүтээлээ туур­­виж, бие даа­сан бо­лон хамтарсан 10 гаруй үзэсгэлэнд оролцсон уран бүтээлч юм. Тэрбээр өнгөрсөн онд “Мөрөөдлийн өнгө-2" бие даасан үзэсгэлэн гаргасан бөгөөд 200 гаруй бүтээлээ энэ үеэр дэлгэжээ. З.Доржжанцан уг үзэсгэлэнгээс “Ширээ найман нуур" зургаа Монголын үндэсний музейд дурсгалаа. Энэ нь түүний байгалийн сэдвээр бүтээсэн томоохон бүтээлийн нэг бөгөөд 100х110 см хэмжээтэй, зотон дээр тосон будгаар зуржээ.  Бүтээлээ дурсгах үеэр тэрбээр "Музейн алтан сан хөмрөгт бэлэглэж буй энэхүү бүтээлээ ирээдүй хойч үедээ үргэлжид нээлттэйгээр үлдээлээ" хэмээн хадгалуулж буйгаа хэлэв. Түүний уг бүтээлийг Монголын Үндэсний музей сан хөмрөгтөө хадгалан олон нийтэд толилуулах юм.