Сонгодог урлагийн өлгий нутагт уран бүтээлээ хүргэж, дэлхийд алдартай бүтээлийг амилуулж буй Монгол Улсын Ардын жүжигчин, дуурийн дуучин Э.Амартүвшин эх орондоо ирж Ж.Вердийн “Макбет” дуурь, гала концертоо толилууллаа. Монгол баритон хоолойн чадлыг олон улсад мэдрүүлж буй тэрбээр энэ удаагийн тоглолтоо УДБЭТ-ын уран бүтээлчидтэйгээ хамтран хүргэв. “The Lyric’s Oscars” шагналын эзэн, дэлхийн шилдэг баритон Э.Амартүвшин энэ цаг үед тайзан дээр хэрхэн оршин буйгаа элэг нэгт монголчууддаа мэдрүүлэхэд түүгээр бахархах, омогших сэтгэл төрж байв. Түүний гала тоглолтод Монгол Улсын Гавьяат жүжигчин, дуурийн дуучин Б.Эрдэнэтуяа, С.Мөнгөнцэцэг, Ө.Уянга, Б.Гомбо-Очир нар оролцож түрлэг нэмсэн юм. Түүнчлэн концертын ерөнхий удирдаачаар Ц.Тэлмүүн-Очир, концертмейстерээр Монгол Улсын Гавьяат жүжигчин Б.Солонго нар болон найрал дуучид, Симфони оркестрын хөгжимчид хамтарч хурсан олны сонорыг баясгалаа. Концертын үеэр СУИС-ийн захирал, Монгол Улсын Соёлын гавьяат зүтгэлтэн Э.Сонинтогос түүнд хүндэт профессорын өргөмжлөлийг гардуулсан юм.
Эх сурвалж: "Монголын үнэн" сонин №010/24589/
°C
Сэтгэгдэл (0)
Сэтгэгдэл бичигдээгүй байна