“Asian film аwards 2024”-д Монгол Улсаас анх удаа “Сэр сэр салхи” буюу "City of wind" уран сайхны киноны ерөнхий найруулагч П.Лхагвадулам “Best new director” төрөлд, гол дүрийн жүжигчин Б.Тэргэл “Best new comer” төрөлд нэр дэвшсэн билээ. Тус нэр хүндтэй наадмын шагнал гардуулах ёслолын ажиллагаа энэ сарын 10-нд Хонконгт болж “Best new comer” номинацын ялагчаар “Сэр сэр салхи” киноны гол дүрийн жүжигчин Б.Тэргэл шалгарлаа. Соёлын яамны харьяа Кино урлагийн зөвлөлийн Кино урлагийг дэмжих сангаас тодорхой хэсэгт санхүүжүүлсэн “Сэр сэр салхи” уран сайхны кино нь найруулагч П.Лхагвадуламын анхны бүрэн хэмжээний уран сайхны кино юм. Энэхүү бүтээл 80 дахь удаагийн Венецийн олон улсын кино наадмын “Оризонти” хэсэгт шалгарч, шилдэг эрэгтэй гол дүрийн шагналыг Б.Тэргэл хүртсэн бөгөөд 96 дахь удаагийн Оскарын кино наадамд Монгол Улсыг албан ёсоор төлөөлөн оролцох киногоор шалгарсан билээ.
Эх сурвалж: "Монголын үнэн" сонин №010/24589/
°C
Сэтгэгдэл (0)
Сэтгэгдэл бичигдээгүй байна