Олон улсын биологийн олимпиадаас Монгол Улсын баг хос хүрэл медаль хүртлээ

Олон улсын биологийн 35 дугаар олимпиад Казакстан улсын Астана хотноо 2024 оны долоодугаар сарын 7-14-ний өдрүүдэд болж өндөрлөлөө.

Тус олимпиадад:

• Г.Мишээл. Шинэ-Үе сургууль, 12-р анги, • Г.Ирээдүй. Байгаль-Эх лицей сургууль, 12-р анги, • Б.Дагвадорж. Сэлэнгэ аймгийн Сайхан сумын сургууль, 12-р анги, • Э.Марал. Хобби сургууль, 11-р анги нар оролцов.

Энэ жилийн биологийн олимпиадын оролцогчид нь:

• Биохими • Молекул биологи • Биоинформатик • Амьтны анатоми, физиологи гэсэн 4 чиглэл, агуулгын хүрээнд онол, дадлагын ажлуудыг гүйцэтгэж өрсөлдсөнөөс Г.Мишээл (Шинэ-Үе сургууль), Г.Ирээдүй (Байгаль-Эх лицей сургууль) нар хос хүрэл медаль хүртлээ гэж Нийслэлийн Боловсролын газраас мэдээллээ.