Бид 2024 оны отгон дугаарынхаа сэдвээр Хан-Уул дүүрэгт өрнөсөн бүтээн байгуулалтын талаар онцлон танилцуулж байна. Өнгөрсөн дөрвөн жилийн хугацаанд тус дүүргийн салбар бүрд улс, нийслэл, дүүргийн төсвийн хөрөнгө оруулалтаар томоохон хэмжээний их бүтээн байгуулалт өрнөж, зарим нь өдгөө үргэлжилж байна. Тус дүүргийн удирдлагууд хамгийн түрүүнд ерөнхий боловсролын сургууль, цэцэрлэгийн хүрэлцээ хангамжийг нэмэгдүүлэхэд, мөн эрүүл мэндийн тусламж үйлчилгээг иргэд рүү илүү ойртуулж, чанар хүртээмжийг нь сайжруулахад онцгойлон анхаарчээ. Мөн иргэд чөлөөт цагаараа амарч зугаалах ая тухтай орчин нөхцөлийг бүрдүүлэхэд нэлээд хөрөнгө оруулалт хийжээ. Тухайлбал, "Буянт-Ухаа 2" хорооллын нийтийн эзэмшлийн талбай, Дугуй цагааны амралт зугаалгын бүс зэрэг 34 талбай, байршил, цэцэрлэгт хүрээлэнг тохижуулсан байна. Мөн ерөнхий боловсролын сургууль, цэцэрлэг орчмын аюулгүй байдлыг хангах, хүүхдийг эрүүл, аюулгүй орчинд сурч хүмүүжих нөхцөлийг бүрдүүлэх зорилгоор 71 байршилд хүүхдийн тоглоомын болон 3x3 сагсан бөмбөгийн талбайг барьж байгуулан иж бүрэн тохижуулжээ. Түүнчлэн гэрэлтүүлэг, камержуулалт болон хог тээвэрлэлт зэрэг хот, нийтийн аж ахуйн салбарт нь ч мөн ахиц дэвшил гарсаар байна. Энэ мэтчилэн Хан-Уул дүүрэгт өрнөсөн, одоо үргэлжилж буй их бүтээн байгуулалтын ажлуудаас заримыг нь онцлон танилцуулж байна.
Эх сурвалж: Монголын үнэн сонин №048/24627/
°C
Сэтгэгдэл (0)
Сэтгэгдэл бичигдээгүй байна