17 сургуулийг шинээр барилаа

Хан-Уул дүүрэг  2020-2024 онд 7640 хүүхдийн суудалтай 17 сургуулийн барилгыг шинээр барьж, өргөтгөжээ. Тодруулбал, тус дүүргийн хоёр, найм, 12, 15, 16, 21 дүгээр хороо орчин үеийн стандартад нийцсэн анги танхим бүхий шинэ сургуультай болсон бол 18, 34, 118, 114, 115 дугаар сургуулийг өргөтгөж, хүчин чадлыг нь нэмэгдүүлсэн байна. Мөн ес, 12, 13, 14, 16 дугаар хороонд 1080 хүүхдийн суудалтай таван бага сургуулийг ашиглалтад оруулжээ. Эдгээрээс онцолбол, тус дүүргийн 21 дүгээр хороонд улсын төсвийн хөрөнгөөр орчин үеийн стандартад нийцсэн анги танхимтай, 1200 хүүхдийн суудалтай 163 дугаар сургуулийг өнгөрсөн онд ашиглалтад оруулсан байна. Ингэснээр тус хорооны бүх хүүхэд гэрийнхээ ойр сургуульд хамрагдах бүрэн боломж бүрдсэн юм. 

2 дугаар хороо 960 суудалтай 75 дугаар сургууль
8 дугаар хороо 640 суудалтай шинэ сургууль 
12 дугаар хороо 640 суудалтай 10 дугаар сургууль 
15 дугаар хороо 920 суудалтай 130 дугаар сургууль 
16 дугаар хороо 640 суудалтай сургууль 
21 дүгээр хороо 960 суудалтай 161 дүгээр сургууль 
21 дүгээр хороо 1200 суудалтай 163 дугаар сургууль 
3 дугаар хороо 320 суудалтай 18 дугаар сургуулийн өргөтгөл 
4 дүгээр хороо 400 суудалтай 34 дүгээр сургуулийн өргөтгөл 
8 дугаар хороо 118 дугаар сургуулийн өргөтгөл 
9 хороо 320 суудалтай 114 дүгээр сургуулийн өргөтгөл 
19 дүгээр хороо 320 суудалтай 115 дугаар сургуулийн өргөтгөл

 Эх сурвалж: Монголын үнэн сонин №048/24627/