Хан-Уул дүүрэг сүүлийн дөрвөн жилийн хугацаанд хог тээвэр, зам талбайн цэвэрлэгээний нийт 45 автомашинаар парк шинэчлэлт хийжээ. Тухайлбал, цас хусаж, ачих, шүүрдэх, мөс бутлах зам талбайн цэвэрлэгээний тусгай зориулалтын дөрвөн үйлдэлтэй 12 ковш, нэг экскаваторыг энэ сард ТҮК-үүдэд хүлээлгэн өгсөн байна. Эдгээр техник хэрэгсэл нь өвөл, зуны улиралд ашиглах боломжтойгоос гадна их хэмжээний хур хог хаягдлыг гар ажиллагаа оруулахгүйгээр цэвэрлэх автомат ажиллагаатай гэдгээрээ давуу талтай аж. Мөн сүүлийн үеийн тоног төхөөрөмжөөр тоноглогдсон, шатахуун зарцуулалт багатай, хог тээврийн 16 машин, зам цэвэрлэгээний долоо, давс цацагч 15, явган замын цас, хог үлээгч багаж 50, явган зам шүүрдэгч 27 автомашин, техник хэрэгсэлийг энэ онд холбогдох газар нь хүлээлгэн өгчээ. Эдгээр автомашин, техник хэрэгсэл нь авто замын хог хаягдлыг автоматаар шүүрдэх, сорох, зам талбайг чийгшүүлэх, угаах, ногоон байгууламжийн усалгаа хийх, зам талбайг ариутгах зэрэг хосолсон үйлдэлтэй бөгөөд дөрвөн улиралд ашиглах боломжтой гэдгээрээ онцлогтой.
Эх сурвалж: Монголын үнэн сонин №048/24627/
°C
Сэтгэгдэл (0)
Сэтгэгдэл бичигдээгүй байна