Хан Дак Сүг эгүүлэн томиллоо

Өмнөд Солонгосын Үндсэн хуулийн шүүх Ерөнхий сайд Хан Дак Сүг огцруулах шийдвэрийг эсэргүүцэж, төрийн тэргүүний  үүрэг гүйцэтгэгчээр томилохоор шийдвэрлэсэн нь улс төрийн үймээн самуунтай Сөүлд эргэлт боллоо. Түүнийг дайны байдал зарлах Ерөнхийлөгчийн шийдвэрийг хориглоогүй гэж буруутгасан. Юн Сок Ёолыг огцруулсны дараа Хан Дак Сү Ерөнхийлөгчийн үүрэг гүйцэтгэгчээр хоёр долоо хоног хүрэхгүй хугацаанд ажилласан.  Ингэхдээ парламенттай зөрчилдөж, Үндсэн хуулийн цэцэд дахин гурван шүүгч томилохоос татгалзсаны улмаас огцорчээ. Дээд шүүхийн найман шүүгчийн тав нь түүнийг цэргийн байдал зарлах, бослого гарах магадлалтай холбоотой Үндсэн хууль болон Өмнөд Солонгосын хуулийг зөрчөөгүй тул  огцруулах хангалттай үндэслэлгүй гэж үзлээ. Тухайн үед Ерөнхийлөгчийн үүрэг гүйцэтгэгч байсан Хан Дак Сүг огцруулах саналыг парламентын гишүүдийн гуравны хоёр нь батлаагүй юм. Өдгөө 75 настай Хан Дак Сү БНСУ-ын сүүлийн таван Ерөнхийлөгчийн үед буюу гуч гаруй жил дээд албан тушаал хашсан, нэр хүндтэй улстөрч. Түүний карьерыг  улс төрийн хуваагдалтай улсад намын харьяалал үл харгалзан дээд албан тушаал  хашсан ховор жишээ гэдэг. Хөх ордны тамгын газар Хан Дак Сүг эгүүлэн томилсныг сайшааж “Үндэсний ассамблейн хэт их импичмент нь бодлогогүй, хорлонтой улс төрийн довтолгоо байсныг нотоллоо” гэж мэдэгджээ.

Эх сурвалж: Монголын үнэн сонин №012/24639/