НҮБ-ын шинэ тайланд дурдсанаар цаг уурын хямрал даамжирч, Парисын гэрээгээр хүлээсэн 1.5 хэмээр бууруулах амлалт хэрэгжээгүйг анхаарууллаа. НҮБ-ын Ерөнхий нарийн бичгийн дарга Антонио Гутерриш COP27 чуулганыг угтсан илтгэлдээ “Дулаарал ихсэх тусам нөлөөлөл нэмэгдэнэ. Бид эргэлтийн цэг рүү шилжих хэрэгтэй” гэсэн юм.
Дэлхийн цаг уурын байгууллагаас агаар мандал дахь хүлэмжийн хийн хэмжээ нэмэгдсэнээс далайн түвшин дээд цэгт хүрчээ. Тус агентлагийн тооцоолсноор 2022 онд дэлхийн дундаж температур аж үйлдвэржилтийн өмнөх үеэс (1850-1900 он) ойролцоогоор 1.15 хэмээр өндөр байв. Агаар мандал дахь нүүрстөрөгчийн давхар исэл, метан, азотын исэл дээд амжилт тогтоогоод байна.
Хүлэмжийн хүчтэй хий болох метаны жилийн өсөлт ч дээд цэгтээ хүрчээ. Африкт хур тунадас ороогүйн улмаас 40 жилд тохиогоогүй ган гачиг болж, олон сая хүн хүнсний хомстолд өртөж байна. Гэтэл Альпийн нурууны мөсөн гол, Гренланд, Антарктидын мөсөн тавцангууд хайлж эхэлсэн.
Х.ЗАЯА
°C