Тайландад цахиур хагалсан Б.Дүүрэнбилэг

Өнгөрсөн долдугаар сарын 14-нөөс эхлэн долоо хоног Тайланд улсад зохион байгуулагдсан “Teen star international-2024” тэмцээнээс монгол охин Гранпри шагнал хүртсэн явдал бахархууштай. “Teen star international -2024” наадмын гол зорилго нь үндэстний брэндээ таниулах боломжийг олгодог. Энэхүү хүндэт шагналын эзэн 23-р сургуулийн зургадугаар ангийн сурагч Бадрахсүрэнгийн Дүүрэнбилэг юм. Олон орны охид загварын алхаа, оюун ухаан, урлагийн авьяасаар өрсөлддөг тус наадмаас Б.Дүүрэнбилэг уйгагүй бэлтгэл, хичээл зүтгэлийн хүчинд охидын бахархал болсон Гранпри шагналыг хүртэж, эх орныхоо нэрийг өндөрт өргөлөө. Тэмцээнд оролцогч бүх охин үндэсний хувцсаа сурталчлан, авьяас үзүүлбэрт олон улсын шүүгч Б.Энхрийлэнгийн бэлдсэн чөлөөт бүжгээр үзэгчдийг байлдан дагуулсан юм. Наадмын үйл явцыг таван цагийн турш шууд лайваар дамжуулж, дэлхийн 16 орноос оролцогч 52 өсвөрийн моделийнг танилцуулсан үйл явдал нэн шинэлэг байв. Тэрбээр 2022 оноос Э.Оюунтунгалаг захиралтай “Бяцхан мисс” олон улсын хүүхдийн байгууллагын дэргэдэх “Охидын мисс” төвд хичээллэжээ. Тус төв нь зөв алхах, хувцаслах, хооллох, харилцах, нийтэч байж өөрийгөө илэрхийлэх, бүжиглэх, дуулах зэрэг цогц сургалтаар ирээдүйн зөв иргэдийг бэлтгэдэг. Олон улсын наадам бүрээс монгол охид шагнал хүртдэг нь 25 жилийн түүхтэй “Бяцхан мисс” төвийн сургалтуудын чансааг илтгэнэ. Б.Дүүрэнбилэгийн өмссөн “Rana” брэндийн коллекц шүүгчдээс өндөр огноо хүртэв. Олон ургальч соёл, иргэншлийн илэрхийлэл, аялал жуулчлалын нэн сонирхолтой бүс Тайландаас шагнал шүүрнэ гэдэг нэр төрийн хэрэг билээ. Түүнчлэн Б.Дүүрэнбилэг охин хувцас оёх дуртай гэдгээ ikon.mn сайтад өгсөн ярилцлагадаа дурьджээ. Онцгой авьяастай, оролдлого сайтай Б.Дүүрэнбилэгт амжилт хүсье.