Жүдо бөхийн цэргийн дэлхийн аварга шалгаруулах тэмцээн Узбекистаны нийслэл Ташкент хотод эхэллээ. 42 дахь удаагийн тэмцээнд 30 гаруй орны 400 орчим жүдоч өрсөлдөж байгаа бөгөөд манай улсаас эрэгтэй найм, эмэгтэй зургаан тамирчин зодоглож байна. Тэмцээний эхний өдөр эрэгтэйчүүдийн 60, 66, 73, эмэгтэйчүүдийн 48, 52, 57, 63 кг-ын жингийн медальтнууд тодорлоо. Манай улсаас эмэгтэйчүүдийн 48 кг-ын жинд олон улсын хэмжээний мастер Г.Наранцэцэг, 57 кг-д Л.Сосорбарам нар алтан медалиар энгэрээ мялааж, Ташкентад төрийн дууллаа эгшиглүүлэв. Л.Сосорбарам хэдхэн хоногийн өмнө Абу Дабийн “Их дуулга”-аас мөнгөн медаль хүртсэн бол энэ удаа жин өгсөж барилдаад дэлхийн аварга болж байна. Түүнчлэн эмэгтэйчүүдийн 52 кг-ын жинд Ц.Гал-Од, 57 кг-д М.Ичинхорлоо нар мөнгөн медаль хүртээд байна. Тэмцээн холимог багийн барилдаанаар үргэлжилнэ.
Эх сурвалж: Монголын үнэн сонин №039/24618/
°C
Сэтгэгдэл (0)
Сэтгэгдэл бичигдээгүй байна