Сагсан бөмбөгийн Үндэсний дээд лигийн тоглолт үргэлжилж байна. Шинэ улирлын нээлтэд “Улаанбаатар Амазонс” баг аваргаа хамгаалж “Хүлэгүүд”-ийг 71:65-аар хожиж эхлүүллээ.
2023-2024 оны улирлын статистик мэдээлэлд тулгуурлан гаргасан шилдэг тоглогчоор тус багийн Б.Ариунцэцэгийг нэрлэсэн. Тэрбээр 3х3 сагсан бөмбөгийн олон улсын 23 хүртэлх насны эмэгтэйчүүдийн дэлхийн чансааг тэргүүлж байгаа юм. Түүний тухай онцлох мэдээллийг хүргэе.
Тэрбээр Сэлэнгэ аймгийн Мандал суманд төрж, өссөн. Ах нартайгаа гадна талбайд тоглох болсноор сагсан бөмбөгтэй холбогджээ.
- Б.Ариунцэцэг оюутан болсноор “Отгонтэнгэр” их сургуулийн багт Ижилболд дасгалжуулагчийн удирдлагад тоглох болжээ.
-
- Тэрбээр “Эрүүл монгол хүүхэд сагсан бөмбөгөөр дэлхийд” гэсэн уриатай мөрөөдлийн баг бүрдүүлэх тэмцээнд анх оролцоод мөнгөн медаль авч байв.
- Б.Ариунцэцэг 2019 онд Монголын сагсан бөмбөгийн “Өсөх ирээдүйтэй шилдэг тоглогч"-оор тодорч байв. Мөн 2021-2022 оны улирлын амжилтаараа Оюутны лигийн шилдэг тоглогчоор нэрлэгдсэн юм.
- Тэрбээр 23 хүртэлх насны 3х3-ын үндэсний шигшээ багт дуудагдан дасгалжуулагч нарын зааварчилгаагаар бэлтгэл сургуулилалтаа хийж, өөрийгөө хөгжүүлсээр өдий зэрэгт хүрсэн.
- Сингапур улсад болсон 3х3 сагсан бөмбөгийн Азийн аварга шалгаруулах тэмцээнд Монгол Улсын эрэгтэй, эмэгтэй шигшээ баг өрсөлдөж байв. Тухайн үед Монгол Улсын эмэгтэй багт Б.Ариунцэцэг харьяалагдан тэмцээндээ амжилттай оролцсон юм.
- Б.Ариунцэцэг "Ханжоу 2022" Азийн наадмын нээлтэд оролцохдоо Монголын багийн тугчаар сонгогдож байв.
- “Улаанбаатар Амазонс” багийн хамтаар Үндэсний дээд лигт түрүүлж, Монголын лигийн үнэ цэнтэй тоглогчоор тодорсон шилдэг тамирчин юм.
Эх сурвалж: Монголын үнэн сонин №039/24618/
°C
Сэтгэгдэл (0)
Сэтгэгдэл бичигдээгүй байна