АНУ-ын Ерөнхийлөгч Дональд Трамп тангараг өргөсний дараах 100 хоног боллоо. Бэлгэдлийн ач холбогдолтой 100 хоногийн дараа Цагаан ордны тэргүүний үнэлгээ буурч, 41 хувьд хүрчээ. Гэхдээ Бүгд найрамдах намын гишүүдийн олонх нь Ерөнхийлөгчийн ажлын гүйцэтгэлийг үнэлж байна. CNN агентлагийн санал асуулгаас үзвэл, хилийн аюулгүй байдлыг хангах хүчин чармайлт, цагаачлалын бодлогыг иргэд сайшааж байна.
Харин инфляц болон тарифын асуудлыг оролцогчдын дөнгөж 33 хувь нь дэмжжээ. “Экономист” сэтгүүлд бичсэнээр эхний 100 хоногт Украины асуудлыг зохицуулах тохиролцоонд хүрнэ гэж найдаж байсан. АНУ-ын зуучлалаар Москва, Киевийн тал 30 хоногийн хугацаатай эрчим хүчний дэд бүтцэд харилцан халдахыг зогсоохоор тохиролцсон ч дагаж мөрдөхгүй байгаа. Трампын баг ОХУ, Украин болон Европын түншүүдтэй идэвхтэй харилцахыг эрмэлздэг.
Сонгуулийн кампанит ажлын үеэр тэрбээр Америкийн аж үйлдвэрийг хөгжүүлэхийн тулд бүх импортын бараа бүтээгдэхүүнд татвар ногдуулах, тэр дундаа гадаадын компаниудыг АНУ-д үйлдвэрээ байршуулахыг ятгахаа амласан. Улмаар 180 улсад харилцан тариф тогтоожээ. Мөн АНУ-ын хамгийн том худалдааны түншүүд болох Канад, Мексикт онцгой анхаарал хандуулсан.
Дональд Трамп Цагаан ордонд эргэж ирэхээсээ өмнө хууль бус шилжилт хөдөлгөөн, хар тамхины наймаатай тэмцэхээ мэдэгдэж байсан юм.
Эх сурвалж: Монголын үнэн сонины №016/24643/ дахь дугаарыг ЭНД-ээс уншаарай.
°C
Сэтгэгдэл (0)
Сэтгэгдэл бичигдээгүй байна